Raýat jemgyýetiniň wekilleri Wilniusda adam hukuklaryny goramak meselelerini ara alyp maslahatlaşarlar
ÝHHG-a gatnaşýan döwletleriň Daşary işler ministrleriniň geňeşiniň on sekizinji ýygnagy 6-7-nji dekabrda Wilniusda geçiriler. Bu çäre, ÝHHG-nyň başlygynyň, 2011-nji ýylda Litwanyň Daşary işler ministri Audronýus Ažubalisiň başlangyjy bilen geçiriler.
Bu çäräniň öňüsyrasynda, 4-5-nji dekabr aralygynda Ýewropanyň, ABŞ-nyň we öňki Sowet Soýuzynyň dürli ýurtlaryndan raýat jemgyýetiniň wekilleri Wilnýusda paralel konferensiýada adam hukuklary meselelerini ara alyp maslahatlaşarlar.
Gatnaşanlar ÝHHG sebitindäki adam hukuklary ýagdaýyny, şol sanda metbugat azatlygy we raýat azatlygy, parahatçylykly ýygnanyşmak we birleşmek hukuklary, şeýle hem demokratik proseslere we kanunçylyga abanýan howplary öwrenerler. Wekiller gatnaşyjy döwletler tarapyndan ÝHHG-ny özgertmek we adam ölçegleri baradaky borçnamalaryň ýerine ýetirilişini gowulandyrmak baradaky teklipleri ara alyp maslahatlaşarlar. Parallel konferensiýanyň web sahypasyna görä kabul edilen syýasy teklipler ÝHHG-nyň Litwa başlygyna hödürlener.
2010-njy ýyldaky ÝHHG-nyň Paralel raýat jemgyýeti konferensiýasy 2010-njy ýylyň noýabr aýynda Gazagystanyň paýtagty Astanananyň ýolbaşçylygynda boldy.
Türkmenistandan ýekeje raýat aktiwisti hem Astana gelip bilmedi. Türkmen aktiwistleriniň gatnaşyjylara ýüzlenmesinde belleýşi ýaly “Türkmenistanyň we Gazagystanyň häkimiýetleri Astana gelmegimiziň öňüni almak üçin ähli tagallalary etdiler. Türkmen häkimiýetleri - fiziki zorluk howpy we aslynda öý tussaglygy bilen basyş etdiler; Gazagystanyň häkimiýetleri wiza bermekden ýüz öwürdi. "
“Türkmenistanda raýat jemgyýeti ýok edildi. Birnäçe aktiwist gizlinlikde işlemäge mejbur bolýar. Hyzmatdaşlyga we işewürlige edilýän synanyşyklar hem berk basylýar. Tussag etmek, öý tussaglygy, ýençmek, haýbat atmak, öjükdürmek, abraýdan düşürmek, ýurtdan kowmak hakykaty, bu Türkmenistanda raýat jemgyýetiniň ýok edilmeginiň soňky tapgyry. Bular Türkmenistanda aktiwistleri yzarlamak meselesi däl, bu biziň barlygymyzyň atmosferasydyr"-diýip, Türkmen adam hukuklaryny goraýjylar öz ýüzlenmelerinde bellediler.
Türkmenistana Astanada, Gollandiýada ýerleşýän Raýat Demokratik Bileleşiginiň başlygy Wýaçeslaw Mamedow we Azatlyk radiosynyň türkmen gullugynyň başlygy wekilçilik etdi.
www.gundogar.org
