Türkmenistanyň içinde tussag edilen türkmen aktiwisti Myrat Düşemow 26 iýunda tussaglykdan boşadylyp, öý tussaglygyna alyndy. Düşemow özüni daşary ýurtdaky käbir oppazisiýa hereketleriniň we türkmen hökümetiniň alyp barýan syýasatyna nägileligini internet mediasynda pikirlerini aýtmagy bilen tanaldy. Öý tussaglygyna sezewar edilendigi baradaky maglumaty "azatlyk radiosy" we biri birilerini tanamaýan özbaşdak çeşmeler tassyklady. Başga bir çeşmäniň aýtmagyna görä aktiwist Myrat Düşemow öý tussaglygynda saklanmagy bilen bir wagtyň özünde daşky gurşaw bilen aragatnaşyk etmek mümkinçiliklerinden doly mahrum edilen.
36 ýaşly aktiwist 16 - njy iýunda Büzmeýin etrabynda tussag edilipdi. Bu waka Düşemowyň Youtube - de öz syýasy garaýyşlaryny mälim edenden soňra bolup geçdi. Mediada paýlaşylan wideonyň mazmuny daşary ýurtdaky oppazision hereketlere baha bermek we türkmen hökümetiniň alyp barýan syýasatyndaky ýalňyşlar we kemçilikler hakyndady. Şeýle hem daşary ýurtdaky syýasy guramalara ýurdyň içindäki halk bilen içgin işleşmäne çagyryş etdi.
