Ozal 2024-nji ýylyň aprel aýynyň başynda Garagalpakystanyň özygtyýarlylygyny goldamakda günäli tapylan syýasy tussag Jumasapar Dädebaýewi tussag etmegiň rejiminiň berkidilendigi barada habar berildi. Ol Karşidäki KIN-3 umumy rejim koloniýasyndan Nawoýdaky KIN-11 koloniýasynyň türme bölümine geçirildi. Şol bir wagtyň özünde, aktiwistleriň arasynda Jumasaparyň başga koloniýa geçirilmeginiň resmi sebäpleri we umumy tussaglyk möhletiniň üýtgemegi barada gapma-garşy myş-myşlar ýaýrady.
Ýakynda Türkmen Helsinki Adam Hukuklary Gaznasy Karşi şäher kazyýetiniň 2024-nji ýylyň 20-nji martynda çykaran karary esasynda syýasy tussagy tussag etmegiň tertibiniň üýtgedilendigi baradaky kararynyň bir nusgasyny aldy. Resminama wakalaryň resmi görnüşini görkezýär.
Kesgitlemä laýyklykda, Dädebaýew 2022-nji ýylyň 12-nji dekabryndan bäri KIN-3 türmesinde hökümini dowam etdirýär. Koloniýanyň başlygy Jasur Temirow kazyýetde syýasy tussagyň içerki düzgünleri yzygiderli bozýandygyny, koloniýa işgärleriniň kanuny talaplaryny ýerine ýetirmeýändigini we özüni alyp barşynyň beýleki tussaglaryň tertiýelenmelerine ýaramaz täsir edendigini aýtdy.
Hususan-da, 2023-nji ýylyň 18-nji martynda işden soň Dädebaýew ýuwunulýan ýere gitdi, şol ýerden adaty düzgünleri bozup, nobat bilen däl-de, özbaşdak gaýdyp geldi we özüne käýinýän garawul bilen jedelleşdi. Munuň üçin 19-njy martda 15 gün jeza kamerasyna ýerleşdirildi.
2023-nji ýylyň 7-nji noýabrynda polietilen turbalary öndürýän ussahanada özbaşyna iş ýerini terk etdi we desgalaryň biriniň golaýynda maksatsyz ýöräp gitdi, munuň üçin 8-nji noýabrda jeza kamerasyna ýerleşdirildi.
2024-nji ýylyň 1-nji martynda ýaşaýyş jaýy gözden geçirlende, ol öz düşeginde rugsatsyz ýatdy we türme işgäriniň aýdan sözlerine äsgermezlik bilen jogap berdi.
Kazyýet bu maglumatlara esaslanyp, koloniýa ýolbaşçylarynyň Dädebaýewi 2,5 ýyl (galan 9 ýyl 9 aý 22 gün azatlygyndan) türme rejimine geçirmek baradaky haýyşyny kabul etdi.
Dädebaýewiň we onuň aklawçysynyň ýagdaýy kazyýetiň kararynda görkezilmeýär.
Aktiwistler Dädebaýewiň tussaglyk rejiminiň berkidilmeginiň asyl sebäbiniň, daşary ýurt web sahypalarynda ýaýradylan onuň koloniýadaky ýagdaýy barada özünüň maglumat bermegi bolup biljekdigini çaklaýarlar.
Witaliý Ponomarew
Annadurdy Hajyýew
