BMG-nyň Adam hukuklary geňeşiniň Ženewada 29-njy mejlisinde Geňeşiň aýratyn ünsüni talap edýän aýry-aýry ýurtlardaky adam hukuklary ýagdaýyna bagyşlanan ýygnak geçirildi.
Latwiýanyň BMG-yň (Ženewa) hemişelik wekili Raýmonds Ýansons Ýewropa Bileleşiginiň adyndan çykyş edip, adam hukuklarynyň bozulmagy babatynda aýratyn alada döredýän ýurtlaryň arasynda Türkmenistany atlandyrdy.
“Türkmenistanda söz azatlygyna we ýygnak azatlygyna çäklendirmeler, şeýle hem tussaglary gynamak we birek-birege tussag etmek baradaky maglumatlar aladalarymyzy döredýär. Türkmenistana ýagdaýy üýtgetmegi we her bir anyk meselede ýerli häkimiýetleri BMG-nyň degişli guramalary bilen doly hyzmatdaşlyga çagyrmagy maslahat berýäris"-diýip, Albaniýa, Lihtenşteýn we Çernogoriýa hem goşulan Ýewropa Bileleşigi tarapyndan ýaýradylan beýannamada aýdylýar.
ABŞ-nyň BMG (Ženewa) wekiliýeti hem öz gezeginde Türkmenistany esasy azatlyklary basyp ýatyrmagy bes etmäge we halkara guramalaryna syýasy tussaglaryň saklanýan azatlyklaryndan mahrum edilýän ýerlere girmäge mümkinçilik bermäge çagyrdy.
