Ýegenmyrat Dädebaýewiň (syýasy tussag Jumasapar Dädebaýewiň kakasy) habar bermegine görä, ýazda Nawoýdaky KIN-11 türme rejimine geçen ogly "deri keseli" bilen keselläpdir, ol kesel şeýle bir aladalandyryjy welin koloniýa administrasiýasy ony Daşkentdäki Sangoroda ibermekçi bolupdyr. Ýegenmyrat bu barada takmynan 10 gün ozal maglumat alypdy.
Mundan başga-da, iki gün ozal koloniýanyň wekilleri aklawçy Sergeý Maýorowa tussag bilen “hemme zadyň gowydygyny”, Sangorod şäherine geçmegiň "zerurlygynyň" ýokdugyny, tussagyň özüni sagdyn duýýandygyny we başga ýere iberilmegini islemeýändigini aýtdylar.
Ondan öň, 7-nji iýulda koloniýa lukmany Jamşid aklawçy Sergeý Maýorowa telefon arkaly Ýegenmyradyň ogluny şol ýerde bejermek kararyna gelnendigini we ony Sangoroda ibermegiň zerurlygynyň ýokdugyny aýtdy. Aklawçynyň özüne Jumasapar bilen habarlaşmak entek mümkin däl.
Jumasapar Dädebaýewiň Garagalpakstandan gelen etniki türkmenidigini, ýörite hyzmatlar tarapyndan Türkiýeden alnyp gaçylandygyny we Garagalpakstanyň özygtyýarlylyk ideýalaryny goldaýandygy üçin 2022-nji ýylda 12 ýyl azatlykdan mahrum edilendigini ýatladýarys.
Adam hukuklary boýunça Türkmen Helsinki gaznasy.
