“Türkmenistanyň Hronikasynda” habar berlişi ýaly, 2018-nji ýylyň 29-njy iýulynda (bir ýyldan gowrak ozal) Balkan welaýatynyň Suççi obasynda ýaşaýan Gurbandurdy Durdygulyýewiň 78 ýaşynda aradan çykandygy mälim boldy.

Durdygulyýew iki ýyldan gowrak wagt bäri (2004-nji ýylyň fewral aýyndan 2006-njy ýylyň aprel aýyna çenli) psihiatrik klinikada saklandy we “Amnesty International” tarapyndan wyždan ýesiri hökmünde ykrar edildi.

Ol diňe ABŞ senatorlary we kongresmenleri Prezident Saparmyrat Nyýazowy "söz azatlygyny ulanmak synanyşygy sebäpli keselhanada ejir çekýän adamy boşatmaga" çagyrandan soň boşadyldy.

2004-nji ýylyň ýanwar aýynda Durdygulyýew Nyýazowa we Balkan sebitiniň administrasiýasyna hat ýazyp, 18-nji we 19-njy fewralda prezidentiň doglan gününe gabat gelýän Balkanabatyň esasy meýdançasynda iki günlük demonstrasiýa geçirmäge rugsat sorady (S.Nyýazow 1940-njy ýylyň 19-njy fewralynda doguldy). Ol: “Biz prezidentiň we hökümetiň syýasatlary bilen ylalaşmaýandygymyzy bildirmek isleýän parahatçylykly demonstrasiýa geçirmek isleýäris, şeýle hem bar bolan kemçilikleri dogry düzetmegini isleýäris. Demonstrasiýa gatnaşyjylara garşy güýç ulanmakdan saklanmagyňyzy haýyş edýärin" diýip, ýüzlenme ýazdy.

Durdygulyýew "Azatlyk" radiosyna beren interwýusynda Nyýazowyň syýasatyny birnäçe gezek tankytlady we oppozisiýa syýasy partiýasyny döretmegiň zerurlygy barada aç-açan çykyş etdi.

www.hronikatm.com