Adam hukuklary boýunça halkara žurnalistika guramasy "Serhetsiz habarçylar" (RSF) dünýädäki söz azatlygynyň ýagdaýy baradaky soňky ýyllyk hasabatyny ýaýratdy.
Guramanyň pikiriçe, köp ýurt internete gözegçiligi güýçlendirmäge synanyşýar, ýöne şol bir wagtyň özünde internet ulanyjylary has baýlaşýarlar we zerur bolanda birleşýärler.
Habarçylar tarapyndan düzülen “Internetiň duşmanlary” sanawyna Saud Arabystan, Birma, Hytaý, Demirgazyk Koreýa, Kuba, Müsür, Eýran, Özbegistan, Siriýa, Tunis, Türkmenistan we Wýetnam ýaly ýurtlar girýär. Guramanyň pikiriçe, bu ýurtlaryň hökümetleri onlaýn pikir azatlygyny ep-esli derejede bozdular.
Türkmenistan adatça RSF-iň “žurnalist bolup işlemezlik has gowudyr” we “iň erbet” diýip hasaplanýan on ýurduna girdi. RSF-iň habaryna görä erkin žurnalistika üçin iň erbet ýurtlar Eritreýa, Demirgazyk Koreýa, Türkmenistan, Eýran, Birma, Siriýa, Sudan, Hytaý, Ýemen we Ruanda. Birinji ýerleri Finlýandiýa, Islandiýa, Gollandiýa, Norwegiýa, Şwesiýa we Şweýsariýa paýlaşdy.
GDA ýurtlarynyň arasynda ýokary wezipeleri Moldowa (reýtingde 75-nji ýer), Jorjiýa we Ermenistan eýeleýär (100-101). Täjigistan dünýäde 115-nji ýerde durýar. Russiýa 140-njy, Gyrgyzystan 159-njy, Gazagystan 162-nji, Özbegistan 163-nji ýerde.
Сa-news
