Ynsan hukuklaryny goraýjy Amnesty International (AI) 29 ýaşly Mansur Mingelowyň kazyýet tarapyndan kesgitlenen hökümini ýerine ýetiren we yzygiderli ýenjilýän ýeri LBK-11 koloniýasyndan Owadan-Depe türmesine bikanun geçirilmeginiň öňüni almak üçin Türkmenistanyň häkimiýetlerine basyş görkezmäge çagyrdy.
M. Mingelow dogany Rüstam Mingelowa garşy neşe paýlamakda aýyplanyp gozgalan jenaýat işinde tussag edilenden soň 22 ýyl azatlykdan mahrum edildi we dogany hem onuň ýaly Döwlet saglygy goraýyş gullugynyň (öňki neşe serişdelerine garşy gullugy) işgärleri tarapyndan ýenjildi we boşadylandan soň Baş prokuratura we Türkmenistanyň prezidentine şikaýat etdi.
Mundan başga-da, M. Mingelow beýleki adamlara garşy gynamalaryň we zulum edilmegiň subutnamalaryny ýygnady - jemi 11 waka, CD-de ýazga aldy we nusgalaryny ABŞ-nyň Türkmenistandaky ilçihanasyna, ÝHHG-nyň ofisine, şeýle hem Türkmenistanyň Baş prokuraturasy berdi.
AI Türkmenistanyň Prezidentine, Baş prokuroryna we Içeri işler ministrine, şeýle hem Mansur Mingelowyň Owadan Depe türmesine geçirilmeginiň öňüni almak isleýän diplomatik wekilhanalara hat ibermäge çagyrýar; aklawça elýeterliligi goşmak bilen halkara adalatly kazyýet ülňülerine laýyklykda kazyýet işini derrew gözden geçirmek; gynamalar baradaky ähli aýyplamalar boýunça derrew, bitarap we täsirli derňew işine başlamak we gynamalara we / ýa-da erbet garalmagyna jogapkärler neşe serişdelerine garşy döwlet gullugynyň işgärleriniň arasynda ýüze çykarylsa, olary jogapkärçilige çekmek; halkara hukugynda, hususan-da BMG-nyň Gynamalara we beýleki rehimsiz, adamkärçiliksiz ýa-da kemsidiji çemeleşme ýa-da jeza garşy konwensiýasyna hormat goýmak.
“Türkmen adam hukuklaryny goraýjy aktiwistleriň we sürgünde ýaşaýan žurnalistleriň pikiriçe, Türkmenistanda gynamalar we ýowuz daraşmalar esasy mesele. Muňa garamazdan, gorky atmosferasy şeýle bir güýçli welin, diňe az sanlysy tussaglykda bolan gynamalar barada habar bermäge ýa-da boşadylandan soň bu barada gürleşmäge het edip bilýär.
Amnesty International tarapyndan alnan ygtybarly maglumatlar, ömürlik türme tussaglygyna höküm edilen tussaglaryň uzak wagtlap zynjyrlanýandygyny görkezýär. Mundan başga-da, yzygiderli ýenjilýärler” diýip “Amnesty International” habar berýär.
Inlisçeden terjime edip taýýarlan ANT (Türkmenistanyň alternatiw habarlary).
