"Reýter" habar gullugynyň 7-nji dekabrda beren habaryna görä, Türkmenistan gynamalardan ýüz öwürmeli diýip, BMG komitetiniň tussaglara garşy zorlugyň ýagdaýyny we syýasy aktiwistleriň ýitirim bolmagyny aýyplaýan beýanynda aýdylýar.
“Gynamalara garşy komitet giňden ýaýran gynamalara we tussaglara zulum edilýändigi baradaky yzygiderli aýyplamalar bilen aladalanýar. Şol sanda ýenjilmegi we boýun aldyrmak üçin ulanylýan beýleki güýçli sorag ediş usullary"- diýip beýanatda aýdylýar.
Geňeş prezident Gurbanguly Berdimuhammedowy “Türkmenistanda gynamalaryň ulanylmajakdygyny aç-açan beýan etmäge” çagyrdy.
Mundan ozal Türkmenistanyň Daşary işler ministrligi hökümetiň adam hukuklary, şol sanda jeza çäresinde halkara guramalary bilen ýakyndan işleşýändigini mälim etdi.
Ýewropaly adam hukuklary aktiwistleri Türkmenistanda syýasy şahsyýetleriň ýitip gitmeginden alada galýarlar. Şeýlelik bilen 2002-nji ýylda öňki Daşary işler ministri Boris Şyhmyradow we öňki ilçi Batyr Berdiýew ýitirim boldy. Bular iň ýokary derejeli ýitirimler, ýöne ýeke-täk däl.
Türkmenistan Gyzyl Haç ýaly guramalara jenaýatçylaryň saklanýan ýerlerine gözegçilik etmäge rugsat bermeýär. BMG hünärmenlerine-de ýurda girmäge rugsat berilmeýär.
