Türkmenistan BMG-nyň ýörite hasabatçylarynyň ýurda girmegine rugsat bermeýär.
18-nji iýunda Ženewada BMG Adam Hukuklary Geňeşiniň 38-nji mejlisi açyldy. BMG-nyň Adam hukuklary boýunça ýokary komissary Zeid Ra'ad Al Husseýin sessiýany açan beýleki meseleler bilen bir hatarda, öz edarasynyň wekilleriniň käbir sebitlere, hususan-da Günorta Kawkaz we Kryma baryp bilmeýändigini aýtdy. Şeýle hem, soňky bäş ýylda BMG-nyň ýörite habarçysynyň kyrk ýurda baryp görmändigini aýtdy. BMG habar merkeziniň habaryna görä, bu sanawda Türkmenistan aýratyn bellendi.
Türkmenistan BMG-a goşulany bäri, 14 hünärmen BMG Adam Hukuklary Geňeşiniň ýörite işleriň çäginde Türkmenistana baryp görmäge rugsat sorady. Sapar etmäge rugsat diňe din ýa-da ynanç azatlygy boýunça ýörite hasabatgäre berildi. Hanym Asma Jahangir 2009-njy ýylyň 4-10-njy sentýabry aralygynda Türkmenistana bardy.
Ýörite işler ulgamy BMG-nyň adam hukuklary tehnikasynyň merkezi elementidir we ähli hukuklary öz içine alýar: raýat, medeni, ykdysady, syýasy we jemgyýetçilik diýip, BMG-nyň Ýokary Komissary ýatlatdy.
Al-Husseýin ýurtlaryň halkara adam hukuklary mehanizmleri bilen hyzmatdaşlygynyň oňyn mysaly hökmünde soňky bäş ýylda azyndan bäş hünärmeniň baryp gören döwletlerine salgylandy. Bularyň arasynda Azerbaýjan, Gruziýa, Gazagystan we Ukraina bar.
15 ýyllap BMG-nyň garaşsyz hünärmenleriniň gelmegine rugsat bermedik Özbegistan 2017-nji ýylyň oktýabr aýynda dini azatlyk boýunça ýörite hasabatçyny aldy. Zeid Raad al-Husseýin "Biziň düşünişimize görä Özbegistan raýat jemgyýetiniň işi bilen baglanyşykly käbir çäklendirmeleri hem ýatyrdy" -diýdi.
Häzirki wagtda BMG-nyň 12 habarçysy Türkmenistana baryp görmek baradaky haýyşlaryna oňyn jogap almady, şol sanda adam hukuklaryny goraýjylaryň ýagdaýy we gynamalar barada ýörite hasabatçylar (2003-nji ýyldan bäri Türkmenistana baryp görmäge rugsat garaşýarlar).
2015-nji ýylda Türkmenistana baryp görmek barada haýyş bilen ýüz tutan medeni hukuklar boýunça ýörite hasabatçy, sapar üçin deslapky tassyklamany 2018-nji ýylyň dekabr aýynyň ahyrynda aldy. Şeýle-de bolsa, bu sapar 2019-njy ýyla çenli yza süýşüriler.
