UPD. Çeşmämiziň habaryna görä, 19-njy maý, anna güni agşam türk polisiýasy tarapyndan tussag edilen Farhat Meýmankulyýew (Durdyýew) 20-nji maý, şenbe güni Türkmenistana deportasiýa edilen bolmaly. Ýerli aklawçy aktiwistlere: "Muny Türkiýäniň bitewi kompýuter ulgamynda görmek bolýar, tussag edilenler barada ähli maglumatlar girizilýär" -diýdi.

Ol gün Stambuldan Aşgabat şäherine iki reýs amala aşyryldy: 17:40-da “Türkmenhowaýollary” awiakompaniýasynyň ýolagçy uçary, 20:30-da bir “Türkhowaýollary” awiakompaniýasynyň howa uçary.

Durdyýewiň ynamdar adamy, “Ýunus” ady bilen tanalýan ýoldaşy şu günler anyk maglumat berip bilmeýändigi sebäpli, alternatiw türk aklawçysyny gözlemeli bolduk.

Gynansagam, dynç günleri Türkiýede aklawçylaryň tussag edilenler barada maglumat almak mümkinçiligi çäklidir. Aklawçy diňe şu gün maglumatlar bazasy arkaly blogçynyň ykbalyny aýdyňlaşdyrmagy başardy. Häzirki wagtda tussag edilmegiň sebäplerini we deportasiýa ýagdaýlaryny derňeýär.

Adam hukuklary boýunça Türkmen Helsinki gaznasy.