Garagalpakstanly syýasy tussag Jumasapar Dädebaýew has berk tussaglyk rejimi bolan koloniýa geçirildi.

Habarlar|5 Aprel 2024|

Dädebaýewiň Nawoýdaky KIN-11 koloniýasyna geçirilmegi barada maglumat alyndy. Bu barada tussagyň kakasy çarşenbe güni habar etdi.

Jumasapar Dädebaýew Garagalpakstandan gelen etniki türkmen bolup, 2022-nji ýylda “ekstremizm” we respublikanyň özygtyýarlylygy ideýasyny onlaýn goldaýanlygy üçin 12 ýyl azatlykdan mahrum edildi. Ýörite hyzmatlar tarapynadan gurnalan operasiýa bilen 2022-nji ýylyň ýanwar aýynda Türkiýeden äkidildi. Dädebaýew 2022-nji ýylyň dekabryndan bäri Karşi şäherindäki KIN-3 umumy rejim koloniýasynda hökümini geçirdi. Has berk rejimi bilen tanalýan KIN-11 koloniýasyna geçirilmegine has berk jeza hökmünde garalmalydyr.

Garagalpak protestleriniň lideri Dawletmyrat Tajimyratowyň hökümini KIN-11-de geçirýändigini ýatladýarys. Onuň geçen güýzde bu koloniýadaky tussaglyk şertleri bilen baglanyşykly eden ýüz tutmalary giň seslenme döretdi.

Adam hukuklary boýunça Türkmen Helsinki gaznasy.

Iň soňky habarlar

«Хроника Туркменистана»:“Ачилова: остался ли хоть один аксакал, способный выйти вперед?“

Ölüm bilen gutaran wakadan 1,5 ýyl soň, ýaş gyzyň maşgalasy türkmen Ombudsmeninden jogap aldy.

С. Нуримбетова продолжит учебу в Турции/Aktiwistiň gyzy Türkmenistandan çykyp bildi.

Azatlyk Radiosy: Türkmen aktiwistiniň gyzy Sadokat Nurimbetowa Türkmenistandan çykmaga rugsat...

Aktiwist Hamida Babajanowanyň gyzyna Stambulda okamak üçin Türkmenistandan gitmäge rugsat berildi.