WENA, 2015-nji ýylyň 12-nji awgusty - ÝHHG-nyň metbugat azatlygy boýunça wekili Dunýa Miýatowiç şu gün Türkmenistanyň häkimiýetlerini žurnalist Saparmämmet Nepesgulyýewi boşatmaga çagyrdy.

Miýatowiç: "Ofisimize elýeterli maglumata görä, Nepesgulyýew bir aýdan gowrak wagt bäri özüne garşy aýyplama bildirilmezden tussaglykda saklanýar" -diýdi. “Türkmenistanyň häkimiýetleri bilen Ofisimiň arasynda köpden bäri dowam edip gelýän we göni hyzmatdaşlyga esaslanyp, men onuň boşadylmagyny isleýärin”.

Erkin Ýewropa / Azatlyk radiosy we “Türkmenistanyň alternatiw habarlary” gullugynyň erkin habarçysy Nepesgulyýewiň 7-nji iýulda tussag edilendigi we Türkmenistanyň Balkan sebitindäki wagtlaýyn tussaghanada saklanýandygy habar berildi. Nepesgulyýewiň garyndaşlaryna neşe serişdelerini bikanun saklamakda aýyplanýandygy habar berildi, ýöne entek resmi aýyplama bildirilmedi.

Miýatowiç 29-njy iýulda Türkmenistan häkimiýetlerine ýazan hatynda Nepesgulyýewiň maşgalasynyň ony görmegine rugsat berilmeýändigi we oňa kanuny kömek berilmeýändigi barada alada bildirdi.

ANT tarapyndan terjime edildi http://habartm.org/archives/3438