Azatlyk radiosynyň türkmen gullugynyň habarçysy, Röwşen Ýazmuhammedow Türkmenabatda tussag edilenden iki hepde soň, 22-nji maýda tussaglykdan boşadyldy. Ýazmuhamedow 6-njy maýda Türkmenabadyň şäher merkezinde ( ýurdyň gündogarynda) tussag edildi. R.Ýazmuhammedowa nähili aýyplama bildirilendigi barada hiç-hili habar berilmeýär.
Žurnalist bu döwürde ýerli polisiýa bölüminiň izolýator bölüminde saklanyldy. Ýazmuhammedowyň garyndaşlarynyň sözlerine görä, onuň işi guramaçylykly jenaýatçylyga we terrorçylyga garşy göreş bölümi tarapyndan alnyp barylýar ekeni.
Halkara adam hukuklary guramalary Amnesty International, Human Rights Watch we Serhetsiz habarçylar R.Ýazmuhammedowy goldamak üçin çykyş etdiler. Žurnalistiň tussag edilmeginiň sebäbi, onuň professional alyp barýan işi bilen baglydygyna ynam bildirip, R.Ýazmuhammedowa garşy gozgalan aýyplamalaryň köpçülige aýan edilmegini türkmen häkimýetlerinden talap etdiler.
