İstanbul howa menzilinde öýüne gitmek isleyan 70 toweregi raýat uçara garaşýarlar. Aprel aýynyň 4-de İstanbul howa menzilinde Türkmenistana Ukrainada n gelen talyplary we käbir kesel adamlary alyp giden uçara minmek üçin 500-e golaý adam toplandy. Ol günden bäri ýene uçar bolar umydy bilen 70-e golaý adam howa menzilinde garaşýarlar.

Howa menziline baryp garaşýan raýatlar öň birnäçe gezek Türkmenistanyň konsolluguna ýüz tutupdyrlar, ýöne olaryň jogaby garaşyň bolupdyr. Sonky aprel aýynyň 4-ne bolan gatnawda diňe konsollugyň beren sanawynyň daşynda hiç kimi uçara almandyrlar.

Raýatlaryň aýdyp bermegine görä, İstanbul howa menzilinde işleýän bir adam 20-sinden bärde uçar bolmajakdygyny, ýöne 200 adam toplansa Türkmenistan bilen habarlaşyp Türk howa ýollarynyň bir uçaryny goýup biljekdigini aýdypdyr.

Türkmenistan 2020-nji ýylyň martyndan bäri halkara uçuşlary ýatyrdy we öz ýurdunyň raýatlary üçin serhetlerini petikläpdi. Şol sebäpli raýatlar çet ýurtlardan iki yyldan bäri watanyna dolanyp bilmeýärler

Türkmenistanyň Istambuldaky konsulhanasy wagtal-wagtal ýörite uçar gatnawlaryny guraýar.Ýöne olar dolanmak isleýänleriň ählisi üçin asla ýeterlikli däl.

Türkmen Helsinki Fondy .