Türkmenistan Döwlet habarlar gullugynyň (TDH) habaryna görä, 26-njy oktýabrda Prezident Gurbanguly Berdimuhammedow Ministrler Kabineti bilen Döwlet Howpsuzlyk Geňeşiniň bilelikdäki mejlisini geçirdi.

Duşuşykda Prezident Türkmenistanyň garaşsyzlygynyň 24 ýyllygy mynasybetli iş kesilen 1020 raýatyň günäsini geçmek baradaky Karara gol çekdi we bagyşlanan raýatlary işe almak meselesini çözmek üçin welaýatlaryň, etraplaryň we şäherleriň häkimlerine, şeýle hem beýleki degişli ýolbaşçylara görkezme berdi.