ABŞ-nyň Döwlet sekretarynyň Günorta we Merkezi Aziýa meseleleri boýunça kömekçisi Nişa Desai Biswal Erkin Ýewropa / Azatlyk radiosynyň habarçysy Rikard Ýuzwiak bilen söhbetdeşlikde sebitdäki žurnalistlere çemeleşilmegi we metbugat azatlygy barada çynlakaý alada bildirdi.
Onuň sözlerine görä, soňky iki ýylda žurnalistleriň ýüzbe-ýüz bolýan çemeleşmesi - azar bermek, tussag etmek, yzarlamak ýa-da türmede zulum etmek - düýbünden kabul ederliksiz. Nişa Desai Biswal: "Biz bu barada aladalanýarys. Bu, bu ýurtlaryň hökümetleri we ilkinji nobatda Türkmenistan bilen gepleşiklerde hemişe gozgalýan mesele" -diýdi.
ABŞ-nyň wekiliniň pikiriçe, Türkmenistan hökümeti Halkara Adam Hukuklary Jarnamasyna laýyklykda we adam hukuklaryny goramak we kepillendirmek üçin öz konstitusiýasyna laýyklykda halkara kanunlaryndaky borçlaryny ýerine ýetirmäge borçly. "Meniň pikirimçe, žurnalistleriň garşylaşýan ýagdaýy düýbünden kabul ederliksiz" diýip ol belledi.
