Şu gün, 11-nji noýabrda adam hukuklary guramalary Human Rights Wathc we Türkmen Helsinki gaznasy tarapyndan 70 sahypalyk "Men kapasada ýaşaýan ýaly": Türkmen häkimiýetleriniň Türkiýede Türkmenistanyň raýatlaryna pasport bermekden ýüz öwürmegi” atly bilelikdäki hasabaty neşir edildi.

Bu resminama, türkmen häkimýetleriniň türkmen raýatlarynyň pasportlaryny ýurduň daşyndan uzaltmakdan ýüz öwürýän, şonuň üçin hem çynlakaý kynçylyklara duçar bolýan we watanyna dolanmaga mejbur edýän türkmen raýatlarynyň meselelerine bagyşlanýar.

“Bu syýasat, Türkmenistan hökümetiniň raýatlarynyň hereket azatlygyna päsgel berýän we raýatlaryna daşarky gözegçiligi gözegçilikde saklamagyň birnäçe usullaryndan biridir. Hakyky pasportlary bolmazdan, türkmen migrantlary resminamasyz we köp sanly sosial we ykdysady kynçylyklara duçar bolýar"-diýip, Human Rights Watch guramasynyň metbugat beýanatynda aýdylýar. (türkmen, iňlis, rus dillerinde)

Türkmenistan dünýädäki konsullyk we diplomatik wekilhanalary arkaly türkmen raýatlaryna pasport bermeli. Türkmen migrantlaryny kabul edýän Türkiýe we beýleki ýurtlar yzarlanma ýa-da gynamalara sezewar bolup biljek birini zor bilen Türkmenistana gaýtarmaly däldir we türkmen migrantlaryny ykdysady we sosial hukuklaryndan mahrum etmeli däldir, sebäbi türkmen häkimiýetleri daşary ýurt pasportlaryny uzaltmakdan ýüz öwürýärler.

Hasabaty şu baglanyşyk arkaly görüp bilersiňiz.

Adam hukuklary boýunça Türkmen Helsinki gaznasy.