"WATAN" -a mälim bolşy ýaly, 2004-nji ýylyň dekabrynda Waşingtonda işleýän "Azatlyk" radiosynyň türkmen gullugynyň habarçysy Saparmyrat Öwezberdiýewiň maşgalasy Türkmenistanyň Döwlet howpsuzlyk ministrliginiň işgärleri tarapyndan sorag edilýär.
Milli Howpsuzlyk ministrliginiň işgärleri Aşgabatdaky S.Öwezberdiýewiň syrkaw aýalynyň ýanynda ýaşaýan goňşularyny birnäçe gezek sorag etdi. Olaryň awtoulaglarynyň belgilerini ýazdylar we häzirki wagtda Waşingtonda ýaşaýan Oguldurdy Öwezberdiýewany we ogly Röwşeny gowy tanap-tanamaýandyklary barada soradylar.
Nyýazow gaharyndan köşeşip bilmeýär we "hukuk goraýjy edaralaryň işgärleri" goňşularyna we S.Owezberdiýewiň maşgalasyna ägirt uly psihologiki basyş etmegi dowam etdirýär.
17-nji noýabrda habarçynyň maşgalasynyň telefonlary ýene öçürildi.
OPD "WATAN"
