Azatlyk radiosynyň Türkmenistandaky habarçysy Hudaýberdi Allaşow Daşoguz sebitiniň Köneürgenç etrabynda polisiýa tarapyndan tussag edildi.
Wakanyň şaýatlaryndan biri: "3-nji dekabrda giçlik polisiýa işgärleri Hudaýberdiniň öýüne gelip, nas we temmäki saklamakda aýyplap we tapylan zatlary wideo düşüripdiler, sonra ony bolsa polisiýa bölümine äkitdiler" -diýdi.
27 ýaşly Allaşow bilen bilelikde ejesi we aýaly tussag edildi. Soň aýaly boşadyldy, birnäçe sagatdan soň ýene tussag edildi.
Habarçynyň öýünden tapylan birnäçe halta nas bir gün öň aýaly tarapyndan satyn alyndy, ýöne polisiýa Allaşowy 11 kilogram nas saklamakda aýyplaýar.
Şaýatlar bu aýyplamalaryň ýalandygyny öňe sürýärler we Hudayberdi Allaşowyň polisiýa merkezinde ýenjilendigini we elektrik togunyň urlandygyny we günäni boýun almaga mejbur edilendigini habar berdiler.
Zalym urmagyň köp yzlarynyň bardygyny habarçyny tussag edilenden soň gören başga bir şaýat tassyklady.
Hudaýberdi Allaşow şu ýylyň oktýabr aýynda “Azatlyk” radiosy bilen hyzmatdaşlyga başlady. Mekan Taşliýew lakamy bilen bir žurnalist pagta ýygnamakda mejbury zähmetiň ulanylmagy, sebitde azyk ýetmezçiligi we aýlyk hakynyň yza süýşürilmegi barada habar berdi.
Erkin Ýewropa / Azatlyk radiosy, Hudaýberdi Allaşowyň tussag edilmegi we aýyplamalary onuň işjeň işi bilen gönüden-göni baglanyşyklydyr diýip hasaplaýar.
“Biz bu aýyplamalaryň türkmen gullugyny dymdyrmak we türkmen halkyny gorkuzmak maksady bilen alnyp barylýan kampaniýanyň bir bölegidigine ynanýarys. Habarçylarymyz tussag edildi, izolýasiýa edildi, ýenjildi, sorag edildi, esassyz tussag edildi we gynamalara ynanmaga esas bar. Munuň üçin türkmen häkimiýetleriniň jogapkärdigine ynanýarys"-diýip, Erkin Ýewropa / Azatlyk radiosynyň prezidenti Tomas Kent belledi.
Soňky ýyllarda Türkmenistanda “Azatlyk” radiosynyň habarçylaryna yzarlamalar güýçlendi.
Žurnalist Soltan Açylowa (67 ýaşynda) bir aýyň içinde üç gezek hüjüm edildi. Ilkinji hüjümden soň internet we telefonlary kesildi. Açylowa hazire çenli aragatnaşyk serişdesiz galdy.
Žurnalist Saparmämmet Nepesgulyýew (37 ýaşynda) 2015-nji ýylyň tomsunda tussag edildi we gadagan edilen neşe serişdelerini saklamakda aýyplanyp üç ýyl azatlykdan mahrum edildi. Ykbaly şu güne çenli näbelli.
2006-njy ýylda “Azatlyk” radiosynyň habarçysy Ogulsapar Myradowa tussaglykda aradan çykdy. Onuň ölüminiň ýagdaýlary entek aýdyňlaşdyrylmady.
Erkin Ýewropa / Azatlyk radiosy, şeýle hem adam hukuklary guramalary Türkmenistanda “Azatlyk” radiosynyň habarçylarynyň hüjümlerini, tussag edilmegini we ölümini žurnalistleriň hünär işi bilen baglanyşdyrýar.
http://rus.azathabar.com/a/28157585.html
