Daşary ýurda gidip bilmeýän respublikanyň raýatlarynyň “gara sanawy” diýlip atlandyrylýan sanaw täze atlar bilen dolduryldy. S.Nyýazowyň dolandyran döwründe bu resminama, türkmenbaşy rejimi tarapyndan raýatlaryň hereket azatlygyna bolan hukuklarynyň bozulmagy respublikanyň daşynda giňden tanalýan tassyklamalaryň biri boldy. 19-njy oktýabrda respublikanyň Milli howpsuzlyk ministri tarapyndan gol çekilen sanawyň täze, ep-esli giňeldilen görnüşi respublikanyň ähli howpsuzlyk we gümrük postlaryna berildi.

Ondan öň gümrük gullugynyň we Milli howpsuzlyk ministrliginiň ýolbaşçylarynyň oktýabr aýynyň başyndan ortalaryna çenli aýdylmadyk görkezmeleri bardy. Türkmenistanyň gümrük gullugynyň çeşmesi bu barada NW habarçysy Oraz Saryýewe aýtdy. Çeşmäniň habaryna görä, sanawda häzirki uly amnistiýa döwründe ýurduň häzirki prezidenti K. Berdimuhammedowyň günäsi geçilýän adamlaryň atlary, şeýle hem döwlet baştutany tarapyndan arassalanmak wagtynda işinden boşadylan işgärler bar. Öň daşary ýurt habar beriş serişdelerinde ýaýradylan maglumata görä, K. Berdimuhammedowyň hökümdarlygynyň başynda “gara sanaw” diýlip atlandyrylýan sanawda iki müňden gowrak adam bardy.

W. Wolkow, O. Saryýew.

"Nemes tolkuny"