Belarus zenany 24 ýyl gulçulykdan soň watanyna gaýtaryldy.

Belarusyň raýaty Walentina Wažnik Türkmenistanda 24 ýyl gulçulykdan soň watanyna gaýtaryldy. BelaPAN-a bu barada Belarusdaky Halkara Migrasiýa Guramasynyň wekilhanasy tarapyndan habar berildi.

Wekilhananyň wekilleri W.Wažnikiň gulçulykdaky ýagdaýlary barada gürrüň bermekden saklandylar. BelTA-nyň habar bermegine görä, onuň gaýdyp gelmegini görlüp-eşidilmedik ýagdaý hasaplaýarlar.

Wekilçilik "Belarusly aýalyň şeýle uzak wagtdan soň dogduk mekanyna gaýdyp gelmegi ilkinji ýagdaý" -diýdi.

HMG-a Walentina Wažnikiň uzak wagtlap ýoklugy baradaky habar garyndaşlaryndan geldi. Barlag bu aýalyň hakykatdanam pidadygyny tassyklady we watanyna gaýdyp gelmekde kömek berildi. Şol bir wagtyň özünde, wekilhana bu maglumatlaryň gizlinligine salgylanyp, Belarus aýalyň gulçulykdaky ýagdaýlaryny aýan etmekden ýüz öwürdi.

Walentina Wažnik häzirki wagtda Minskiň Merhemet öýünde bejergi alýar. Ýakyn günlerde oňa Belarusyň raýatlygy we hasaba alnan ýeri bolan pasport berildi. Wekilçilik Içeri işler ministrliginiň işgärlerine aýalyň ýetmezçiliklerine üns berendikleri we esasanam pasport almakda beren goldawlary üçin minnetdarlyk bildirdi. Wekilçilik: "Bu resminama bolmasa, Walentina maýyplygyny hasaba alyp ýa-da iş tejribesi bilen baglanyşykly meseleleri çözüp bilmezdi" -diýdi.

BelaPAN

http://naviny.by/rubrics/society/2007/03/02/ic_news_116_267598/