Türkmen Helsinki Adam Hukuklary Gaznasy (THAHG).

Bolgar Helsinki Komiteti (BHK).

(press-reliz)

Sofiýa, 2009-njy ýylyň 26-njy awgusty

Türkmen Helsinki gaznasy we Bolgariýa Helsinki Komiteti, Türkmenistanyň prezidenti K. Berdimuhammedowyň Bolgariýa Respublikasyna eden saparyny göz öňünde tutup, Türkmenistanda adam hukuklarynyň ýagdaýyna alada bildirýärler. Halkara jemgyýetçiligi Türkmenistanyň prezidenti wezipesine girişeninden iki ýyldan gowrak wagt bäri Gurbanguly Berdimuhammedowy adam hukuklary ýagdaýyny garaňkylaşdyrmagy dowam etdirýän öňki prezident Nyýazowyň döwründen galan repressiw hereketleri duruzmaga çagyrdy.

Türkmen Helsinki gaznasy we Bolgariýanyň Helsinki komiteti Türkmenistanyň häkimiýetlerini çagyrýar:

1. Türkmenleriň syýasy tussaglaryny we wyždan tussaglaryny boşatmak baradaky on müňlerçe adamyň haýyşyna jogap beriň. "Azatlyk" radiosynyň žurnalisti Ogulsapar Myradowanyň 2006-njy ýylyň sentýabr aýynda türmedäki ölümi bilen baglanyşykly çynlakaý derňew işine başlan.

2. Nyýazow režimi tarapyndan adalatsyz ejir çekenlere kanuny gorag, öwezini dolmak we dikeltmek boýunça tutuş ýurt boýunça işe başlaň.

3. Oppozisiýa, aktiwistlere, garyndaşlaryna we dostlaryna hereket we işjeňlik azatlygyny beriň.

4. Hökümetiň garaşsyz jemgyýetçilik guramalaryna päsgelçiliksiz işlemegine, şeýle hem Türkmenistanyň içinde işlemek üçin daşary ýurtda hasaba alnan türkmen jemgyýetçilik guramalaryna mümkinçilik beriň. 5. Garaşsyz habar beriş serişdelerine ýurtdaky işlerini erkin alyp barmak mümkinçiligi beriň.

Türkmen Helsinki gaznasy we Bolgariýanyň Helsinki Komiteti Bolgariýanyň häkimiýetlerini, Türkmenistanyň prezidentiniň sapary wagtynda, Türkmenistanda adam hukuklary meselelerini gozgamaga we bu ugurdaky hereketlerini köpçülige aýan etmäge çagyrýar.

THF başlygy: Täjigül Begmedowa,

BHK başlygy: Krasimir Kanew