Ýewropada Howpsuzlyk we Hyzmatdaşlyk Guramasynyň (ÝHHG) baş sekretary Karel De Gýuht, Türkmenistanyň ömürlik prezidenti Saparmyrad Nyýazowy erkin ýerli saýlawlar we tussaglara garaşsyz synçylar üçin "demokratiýalaşma" başlamaga çagyrdy.

ÝHHG penşenbe güni ýaýradylan press-relizinde De Gýuhtyň bir gün öň Nyýazow bilen bolan duşuşygynda "syýasy özgertmeleriň we demokratiýalaşmagyň başlangyjynyň" möhümdigini aýtdy.

"... (De Gýuht) (Türkmenistan) hökümetini şu ýylyň iýul aýynda ýurduň halkara borçnamalaryna laýyklykda ýerli öz-özüňi dolandyryş edaralaryna erkin we açyk saýlawlar geçirmäge çagyrdy" -diýip, ÝHHG-nyň Aşgabat bölümi penşenbe güni hasabat berýär.

1985-nji ýyldan bäri energiýa baý Türkmenistanda doly häkimiýet başynda bolan Nyýazow ozal ÝHHG-a 2009-njy ýylda işinden aýryljakdygyny we ilkinji alternatiw prezident saýlawlaryna gatnaşmajakdygyny aýtdy.

ÝHHG halkara guramalaryna tussaglara çäklendirilmedik giriş mümkinçiliginiň berilmegine ünsi çekdi. Mundan başga-da De Gýuht "tussag astyna alynýan ýa-da ýurtdan çykyp bilmeýän dört raýat meselesini" gozgady.

"Prezident Nyýazow bu şikaýatlara içgin serediljekdigini we çözüljekdigini berk ynandyrdy" -diýip ÝHHG aýdýar.

Reýter.